ذوبني بحنينك وافضح اسراري
ومرجحني بغرامك خل تشب ناري
واترسني دفو وغطيني خلي ارتاح
ولوليلي بهمس خل تعزف اوتاري
اني المنتهي بشوكك وهايم بيك
وانته تغض طرف جنك ولا داري
ومر بيه حلم
خطار
مرة طيف
مر مزنة جذب ونكول مزنة صيف
يمدوخني بيك وشال حالي وياك
وتشرب روحي سكته
وانكلب دخان
مثل شربة جكاره
وتنشرب عالكيف
حن فد يوم
وكول معذب بشوكي وترسته هموم
واذكرني وتعال وخلي اعيد بيك
موعكبك صرت اشبه طفل مفطوم
عين وماتضوك النوم
روح وكل وكتهه تلوم
سنه وعاشت عمرهه بصوم
حمامه وعشهه بيه بيض وجفتهه غراب
وهيه كباله ظلت تنتحب وتحوم
اخ شكد وكح وشهل نداره البيك
تتمايل بخصرك عله جروحي اتدوس
تلجمني وتكلهم جذب ما ملجوم
ويا ملجوم ...يامسموم
لو بيدي اخلي جروحي كلهه اتصيح
وك انه بغايابك جرح مابيه خير
حته من الالم ومن اللجم محروم
اخ شكد لذيذ الالم منك كون
يشبه باب طلعه وبالسجن مرسوم
اخ شهل ترافه شهل صلافه البيك
جامعهن نقيض شلون صارن هيج
والتمن مثل رفكه حمامه وبوم
هنيال المخده الي عليهه تنام
وهنيال الفراش الحاظنك بالليل
يمكن مستلذ مايرضه عنه تكوم
هنيال الهدوم البيك ملتفات
اتمنه انه اتفصل عليك هدوم
تدري شكد احبك
