أنتبه لدنيه وازن هالأمور
مثل عباس البطل محد خوه
تحت جدمه الماي لكن ما شرب
لأن شاف العطش بحسين انطوه
والله من غير الهوه كلشي يموت
وما يموت الهوه لا مره ألوه
وچذب العطشان لو گلك رويت
بغير ماي وجسمي من عنده روه
ولا تصدگ غير دمعات اليتيم
اداوي جرحه وغيرهن ماگو دوه
ولا تگلي البنه فوگ الرمل بيت
ظل بنائه سنين شامخ ماهوه
ولا تگلي بغير شمس الله يصير
بالگمر ونجومه بالليل الضوه
ولا تگلي الزرع بالواحة ورد
حصد شوك اورده بالشوك انزوه
ولا تگلي الذيب ما يغدر بعد
وطبعه وي طبع الحمام اصبح سوه
ولا تگي حسين مات بكربله
ما يموت حسين لن هو الهوه
ولا تگلي النزل دمعة اعله الحسين
جسمه طب داخل جهنم ونچوه
للحسين اليبچي دمعة ابلا رياء
جسمه في جنة عدن والله انحوه
