بسم الله الرحمن الرحيم
ربيع الدين يالنورك ابد ماغاب = وله اتغطه ابسواد الجور طرفة عين
ربيع الدين يا حي ما متت فد يوم = رغم مرة عليك احقاب وسنين
نور انته وخلقت اهوايه انوار = وبكل نور نورك حي زهى ابنورين
يالمخلوق من نور الالاه الله = وجب نورك بقائه ابكل وكت وبحين
الك ماتم نصبنه ولا يصح تعبير = لان نصب المئأتم فقط للميتين
والك حاله ابكلب كل شيعي مولاي =ا بد ما تنعرف مقسومه قسمين
ذهل منها العكل واتشتت الراي = فرح لو حزن يامولاي محتارين
كومه افكار بينه اتدور بالراس = واحنه انريد نجمع بين اثنين
بين انته فخر متموت للدوم = ومن هاي القضيه حيل متئكدين
وبين انته ابعدت بصواب سهم الموت= ومن عدنه ابعدك يا سيدي البين
تدمع عين وتصب بالدموع ادموم= ومن تبجي دمعها ايغرك الخدين
وعين الفوك تنضر جنها مسروره = واذا دمعت دمعها ايكحل العينين
عدنه انته ابد متهون لا والله = يبن الهادي احمد سيد الكونين
لذا حكنه اذا بسمك نشيل الراس = لان انته فخر امت الثقلين
اوهم حكنه اذا نبجي ونون ونوح = لان حين الشلت ضكنه الامرين
يناشر دين جدك سيد الكون = بسمك سيدي هاليوم منجمعين
نحيي ذكرتك يبن الولي الكرار= ونوفيك لان كل احنه مديونين
نهج الجعفري انته بنيته وصار= مذهب شيعتك يبن الميامين
لذا مهما نقدملك ولاء احنه = نحس مولاي ما وفينه كل دين
جعفريه وهالاسم من جعفرالصادق = ابو موسى ابتسلسل سادس المعصومين
ثاني احمد لهالامه انبعث مرسول= وحيدر ثاني فسر بدر وحنين
وثاني مشتبى الشال السلم عنوان= ومكمل ما بناه ابكربله حسين
الحييى امر السجود وصار سجاد= وباقر صار علم الاولين واخرين
ابو الكاظم جزل للدين من قدم عطاأت= وعبد جم طريق الهالمسلمين
والتاريخ يشهد وبعصر هارون = درب الموت بيه ياما مشت رجلين
زرع نبتت الدين ابوسط الاكلوب= وسكاها بلا مطر لان برض مو طين
وضل الها يباري ويرعه للدوم = لحد ما وصلاها العالي عللين
رادت نور ضوى الها ابفكر احمد = رادت عون صار الها ابو الحسنين
باره الدين ربك [url=http://www.iq14.net/vb/showthread.php?t=4138]جعفر [/url][url=http://www.iq14.net/vb/showthread.php?t=4138]الصادق [/url]= وهوه الي رعاه ودفع كل شين
وزهت شجرة الدين وضوت الكون = وصبح منهجنه مثمر للمؤمنين
كل نبته ربيع اتريد شي معلوم = لان وكت الربيع اتعيشه ابتحسين
اذا [url=http://www.iq14.net/vb/showthread.php?t=4138]جعفر [/url][url=http://www.iq14.net/vb/showthread.php?t=4138]الصادق [/url]اصبح ابلاريب = الهذا الدين ياوادم ربيع الدين
-------------------------------------
يوكتي الكل نكر معروف دينه
وما شارك ابمجلس نور دينه
الوفي يحضر يوّفي اليوم دينه
قبل لا باجر اتحضره المنيه
-------------------------الحمد لله رب العالمين
يالسماك ربك [url=http://www.iq14.net/vb/showthread.php?t=4138]جعفر [/url]ال صادق
ويالعشت ابحياتك واضح او صادق
بصحيفة خادمك مولاي صادق
واشهد يم الاهي اهناك اليه
